विश्वका दुई सय देशका झण्डै ८ लाख संक्रमित, डेढ लाख बढी निको भए

विश्वमा कोरोना भाइरस (कोभिड–१९) संक्रमितको संख्या ८ लाख पुग्न लागेको छ भने यसका कारण करिब ३८ हजारले ज्यान गुमाएका छन्। पछिल्लो तथ्याङ्क अनुसार विश्वका २ सय देश तथा क्षेत्रमा सोमबारसम्म ७ लाख ८४ हजार ३ सय ८१ जनामा कोरोना भाइरसको संक्रमण भएको पुष्टि भएको छ। सोमबारसम्म विश्वका ती देश तथा क्षेत्रहरुमा कोरोना भाइरस संक्रमणका कारण ३७ हजार ७ सय ८० जनाको मृत्यु भएको छ।

संक्रमितमध्ये हालसम्म १ लाख ६५ हजार ३५ जनालाई निको भइसकेको छ ।