इटहरी : गत हप्ता संखुवासभाको मादी नगरपालिका १ मा एकै परिवारका ६ जनाको हत्याकाण्डमा थप एक जना पक्राउ परेको भन्ने समाचार अफवाह भएको प्रहरीे जनाएको छ ।
थप पक्राउ पर्नेमा यसअघि नै हत्या आरोपमा समातिएका लोकबहादुर कार्कीको भाइ भएको विभिन्न सञ्चारमाध्यममा समाचार प्रकाशित भएपनि त्यो हल्ला मात्रै रहेको प्रहरीले जनाएको छ ।
जिल्ला प्रहरी कार्यालय संखुवासभाका मिडिया समन्वय अधिकृत प्रहरी निरीक्षक शुभेष अधिकारीका अनुसार हालसम्म सो घटनामा जोडिएका अन्य कसैलाई पनि पक्राउ गरिएको छैन । विभिन्न अनलाइन मिडियामा प्रकाशित समाचारप्रति आफूहरुको ध्यानाकर्षण भएको उनले बताए ।
हाल इलाका प्रहरी कार्यालय चैनपुरबाट प्रहरी निरीक्षक योगराज खतिवडाको कमाण्डमा १० जना प्रहरीले थप अनुसन्धान गरिरहेको छ । खतिवडाको कमाण्डमा घटनाबारे खानतलासी, सोधपुछ, प्रमाण संकलन लगायतको कार्यहरु गरिरहेको र उक्त घटना सम्बन्धमा प्रहरीले थप कसैलाई पनि नियन्त्रणमा नलिएको प्रहरीले जनाएको छ ।
भदौ २१ गते बिहान नातामा भतिजा पर्ने लोकबहादुरले ५२ बर्षीय तेजबहादुर कार्की, उनकी आमा ८४ बर्षीय पार्वती कार्की, तेजबहादुरकी श्रीमति कमला कार्की, बुहारी रञ्जना कार्की, ११ बर्षीय नाति दिपेन कार्की र ८ बर्षीया नातिनी गोमाको बीभत्स हत्या गरेका थिए ।
Discussion about this post