इटहरी : सुनसरीमा स्थानीय तह निर्वाचन लक्षित गरी भर्ना खुलाइएको म्यादी प्रहरीमा आवेदन दिनेको भीड लागेको छ । जिल्ला प्रहरी कार्यालयमा पुगेर आवेदन बुझाउने मात्रै नभई फारम लिन लाइनमा बस्नेको भीड समेत उत्तिकै बाक्लो छ ।
युवा, युवतीका साथै ४० नाघेका ठूलो समूह म्यादीका लागि लाइनमा छन् । घरपरिवारको गर्जो टार्न दुई महिने सरकारी जागिर खान आएको उनीहरूको भनाइ छ ।
म्यादी प्रहरीका लागि साधारण लेखपढ मात्रै पुग्ने भएपनि आवेदन दिने शिक्षित बेरोजगारको संख्या समेत ठूलो छ । म्यादी प्रहरीमा आउनु रहर नभइ बाध्यता रहेको उनीहरूको भनाइ छ ।
Discussion about this post