इटहरी : इटहरीका एकसहित दुईजनालाई प्रहरीले लागूऔषध ब्राउनसुगरसहित पक्राउ गरेको छ ।
प्रदेश १ प्रहरी कार्यालय विराटनगरका अनुसार पक्राउ पर्नेमा इटहरी ४ का ४० वर्षीय राजेन्द्र केसी र झापाको कन्काई ३ का ३० वर्षी अरुण प्रधान रहेका छन् ।
केसीलाई ७ ग्राम ब्राउनसुगरसहित जोबनीबाट पक्राउ गरिएको हो ।
लागूऔषध नियन्त्रण ब्यूरो विराटनगरबाट खटिएको प्रहरी टोलीले को २५ प ७६५८ नम्बरको मोटरसाइकलमा जोगबनीबाट नेपालतर्फ आउँदै गरेका उनलाई चेकजाँच गर्ने क्रममा पक्राउ गरिएको प्रहरीले जनाएको छ ।
यस्तै, झापाको मेचीनगर नगरपालिका ६ बाट प्रधानलाई २ ग्राम ब्राउनसुगरसहित पक्राउ गरेको हो ।
पक्राउ परेका दुवैजनामाथि थप अनुसन्धान भइरहेको प्रहरीले जनाएको छ ।
Discussion about this post