बुद्ध एयरले सोमबारदेखि पोखरा–विराटनगर उडान सेवा सुरु गरेको छ । सातामा तीन दिन तीन वटा उडान भर्ने बुद्ध एयरलाइन्स कम्पनी पोखराका स्टेसन म्यानेजर गौतम बरालले जानकारी दिए ।
सोमबार बिहान ११ः४५ बजे १८ जना यात्रुसहित बुद्धको विमान पोखराबाट विराटनगर लागेको थियो । उडान अवधि भने ६० मिनेटको हुने जनाइएको छ ।
बुद्धले पोखरा–काठमाडौं, पोखरा–भैरहवा, पोखरा–भरतपुर सिधा हवाई सेवा पनि दिँदै आएको छ ।
सुरुवातमा सातामा तीन वटा उडान सेवा सञ्चालन भए तापनि माग बढेको खण्डमा नियमित गर्न सकिने बरालले बताए । अहिले नेपाली र भारतीयलाई छ हजार दुई सय रुपैयाँ भाडा तोकिएको छ भने विदेशीले एक सय ३० डलर तिर्नुपर्नेछ ।
भ्रमण वर्ष २०२० को समेत प्रवर्धन हुने अपेक्षा कम्पनीले राखेको छ ।
Discussion about this post