इटहरी : नेपाल प्रेस युनियन सुनसरीको स्थापना दिवसको अवसरमा इटहरीमा प्रभातफेरी कार्यक्रमको आयोजना गरिएको छ ।
शुक्रबार (आज) लोकतन्त्रवादी पत्रकारहरूको संस्था नेपाल प्रेस युनियनको ३१ औं स्थापना दिवसको अवसर पारेर इटहरीमा प्रभातफेरी कार्यक्रमको आयोजना गरिएको हो ।
इटहरी उपमहानगरपालिका अगाडिबाट सुरु भएको प्रभातफेरी इटहरीको मुख्य चौक क्षेत्र परिक्रमा गरी पुनः सोही ठाउँमा पुगेर कोण सभा गरियो ।
प्रेस युनियन सुनसरीका अध्यक्ष पवन अधिकारीको अध्यक्षतामा भएको कार्यक्रममा नेपाल पत्रकार महासंघका केन्द्रीय सदस्यद्धय अमर खड्का, इकवाल अहमद, महासंघ सुनसरी उपाध्यक्ष गणेश निरौला, प्रेस युनियन सुनसरीका निवर्तमान अध्यक्ष तथा प्रदेश सचिव धनबहादुर पुरी लगायतले बोलेका थिए ।
उनीहरूले पत्रकारहरूको हकहितका साथै लोकतन्त्र पक्षमा प्रेस युनियनले आवाज उठाउँदै आएको बताए ।
नेपाल प्रेस युनियन २०४८ सालमा स्थापित लोकतन्त्रवादी पत्रकारहरूको साझा संस्थाका रुपमा रहेर उनीहरूको हकहितमा काम गर्दै आएको छ ।
Discussion about this post