इटहरी : बहुप्रतिक्षित चलचित्र ‘महापुरुष’को प्रिमियर शो इटहरीमा हुने भएको छ ।
चलचित्र प्रचारप्रसारका लागि काठमाडौ भन्दा बाहिर चलचित्र निर्माण टिम आउने तर चलचित्रका अन्य सम्पूर्ण कार्यक्रमहरु काठमाडौ केन्द्रित हुने गरेकोमा चलचित्र ‘महापुरुष’को प्रिमियर इटहरीमा पनि हुन लागेको हो ।
पहिलो प्रिमियर शो काठमाडौमा भइसकेको छ भने दोस्रो चितवन हुँदै इटहरीमा तेस्रो प्रिमियर शो आयोजना गर्न लागिएको हो ।
कार्तिक ९ गते बुधबार (भोलि) हुन लागेको इटहरी प्रिमियर शो को संयोजन चलचित्र पत्रकार संघ सुनसरीले गरिरहेको छ ।
विशेषगरी पत्रकार, लेखक, शिक्षासेवीलाई बुधबार बिहान ११ बजे प्रिमियर शो देखाउन लागिएको बताइएको छ ।
इटहरीको इलाइट सिनेमा हलमा हुने शो मा चलचित्रका कार्यकारी निर्मार्ता तथा कलाकार रबीन्द्र सिंह बानियाँ, निर्देशक प्रदीप भट्टराई, अभिनेता उरुण क्षेत्री, अभिनेत्री अन्जना बराइली लगायतको उपस्थिति रहनेछ ।
चलचित्रको ट्रेलरले दर्शको उत्कृष्ट प्रतिक्रिया पाएको छ । चलचित्र कार्तिक ११ गते अर्थात भाइटीकाको भोलिपल्टदेखि देशैभर एकसाथ प्रदर्शनमा आउँदै छ ।
Discussion about this post