इटहरी : गत ४ मंसिरमा भएको निर्वाचनमा समानुपातिकतर्फ १ करोड ३ लाख ७९ हजार मतगणना सम्पन्न भएको छ ।
निर्वाचन आयोगको ताजा तथ्यांकअनुसार हालसम्म नेकपा एमालेले २७ लाख ७२ हजार ९८५ मत पाएको छ ।
दोस्रो स्थानमा रहेको नेपाली कांग्रेसको २६ लाख ४३ हजार २९६ मत प्राप्त गरेको छ ।
नेकपा माओवादी केन्द्रले ११ लाख ६१ हजार १७३ मत पाउँदा राष्ट्रिय स्वतन्त्र पार्टीले ११ लाख १९ हजार ४१६ मत हासिल गरेको छ ।
राष्ट्रिय प्रजातन्त्र पार्टीले ५ लाख ८५ हजार ८८७ मत पाएको छ भने जनता समाजवादी पार्टीले ४ लाख २० हजार ९२८ मत प्राप्त गरेको छ ।
यसैगरी, जनमत पार्टीले ३ लाख ९४ हजार ३४०, नेकपा एकीकृत समाजवादीले २ लाख ९४ हजार १८, नागरिक उन्मुक्ति पार्टीले २ लाख ७१ हजार ६५७ प्राप्त गरेको छ ।
लोकतान्त्रिक समाजवादी पार्टी नेपालले १ लाख ६७ हजार २७८, नेपाल मजदुर किसान पार्टीले ७५ हजार ४२, हाम्रो नेपाली पार्टीले ५५ हजार ५८७, मंगोल नेसनल अर्गनाइजेसनले ४८ हजार ५०४ मत प्राप्त गरेको छ ।
Discussion about this post