मोरङमा प्रतिबन्धित औषधि र मोटरसाइकल प्रहरीद्वारा नियन्त्रण

मोरङ : मोरङको सुनवर्षी नगरपालिका ७ बरडंगाबाट नियन्त्रित औषधिसहित भारतीय नम्बर प्लेटको मोटरसाइकल प्रहरीले नियन्त्रणमा लिएको छ ।

प्रहरी चौकी बरडंगाबाट खटिएको प्रहरी टोलीलाई देख्नासाथ बीआर २९ एल १०८२ नम्बरको मोटरसाइकल घुमाउने क्रममा अनियन्त्रित भइ मोटरसाईकल लड्दा चालक मोटरसाइकल छाडेर फरार भएका थिए ।

प्रहरी टोलीले सोही मोटरसाइकलमा बाँधेको बोरामा नियन्त्रित औषधि ट्रमाडोल क्याप्सुल ९६० पत्ता (९,६०० पिस) फेला पारेको हो ।

फरार भएका व्यक्तिको खोजतलास भइरहेको प्रहरीले जनाएको छ ।