झापा : झापाको बि एण्ड सी हस्पिटलका सञ्चालक तथा नेकपा एमालेका केन्द्रीय सदस्य दुर्गा प्रसाईले धर्म, संस्कृति र नागरिक बचाउ अभियान सुरु गरेका छन् ।
प्रसाईले सुरु गरेको अभियान सोमबार झापाको काकडभिट्टाको मेचीपुलबाट सुरु भएको छ । उनले अभियानलाई महाकालीसम्म पु¥याउने बताएका छन् ।
अभियानको सुरुवात पूर्वराजा ज्ञानेन्द्र शाहले गरेका छन् । प्रसाईले पूर्वराजा शाह, युवराज पारस शाह र उनको परिवारका सदस्यहरूलाई एकै मञ्चमा राखेर अभियान सुरु गरेका हुन् ।
मेची पुलमा पूर्वराजा शाहले दीप प्रज्वलन गरेर सोमबार महाअभियानको उद्घाटन गरेका छन् । प्रसाईँका अनुसार अभियानका क्रममा संघीयता खारेजी, वैदिक सनातन राज्य घोषणा र व्यवसायिक वातावरणको माग गरेका छन् ।
‘राष्ट्र, राष्ट्रियता, धर्म, संस्कृति र नागरिक बचाउने महाअभियान’ को शुभारम्भ कार्यक्रमका लागि उनले प्रधानमन्त्री पुष्पकमल दाहाल (प्रचण्ड)सहित, एमाले अध्यक्ष केपी शर्मा ओली, कांग्रेस सभापति शेरबहादुर देउवासहित विभिन्न दलका नेताहरूलाई निमन्त्रणा गरेका थिए ।
कार्यक्रममा दलका शीर्ष नेताहरूको उपस्थिति नदेखिएपनि पूर्वराजा ज्ञानेन्द्र शाह, पूर्वयुवराज पारस शाह, पूर्वअधिराजकुमारी पे्ररणा शाहसहितका राजपरिवारका सदस्यहरूको सहभागिता रहेको हो ।
कुनैबेला प्रचण्ड र ओलीलाई घरमै बोलाएर खाना खुवाएपछि चर्चामा आएका उनी पछिल्लो पटक दुबहीका राजकुमारले सुनको लौरो उपहार दिएको भनी चर्चामा आएका थिए ।
Discussion about this post