धरान : कोसी प्रदेश नामकरणको विरोधमा धरान उपमहानगरपालिकामा पनि तालाबन्दी गरिएको छ ।
पहिचान पक्षधरहरूले उपमहानगरपालिका कार्यलयबाट केही स्टाम र लेटर प्याड संकलन गरी जलाएका छन् ।
कोसी प्रदेश नाम खारेजको माग गर्दै आन्दोलनरत पक्षधरहरूले आज (बिहीबार) धरान ५, १५ र १२ नं. वडाका कार्यलयमा ताला लगाइएको हो ।
साथै, उपमहानगरपालिका गेट अगाडि कोसी प्रदेश लिखित केही संकलित स्टाम र लेटर प्याड जलाइएको छ ।
संघर्ष समितिको पूर्व निर्धारित कार्यक्रमअनुसार पहिचानबादी संयुक्त संघर्ष समितिमा आबद्ध संघीय लोकतान्त्रिक राष्ट्रिय मंच ,संघीय लिम्बूवान मञ्च जिल्ला अध्यक्ष अमर इजम, जसपा धरान नगर अध्यक्ष ताजुब लिम्बु, राष्ट्रिय जनमुक्ति मोर्चा नेपाल केन्द्रिय अध्यक्ष केपि पालुङवा, किराँत राई यायोक्खा जिल्ला कार्य समिति सुनसरीका सल्लाहकार एवं माओवादी नेता अशोक राई र आदिवासी जनजातिका नेता एवं लिम्बू भाषाविद् डा. कमल तिगेला लगायतको अगुवाईमा कोणसभा समेत गरिएको छ ।
तस्वीरहरू : लक्ष्मण थापा ।
Discussion about this post