इटहरी : कलालय इटहरीले स्कूल थिएटरको तयारी गरेको छ । यही चैत २२ गतेदेखि १५ दिने नाट्य कार्यशाला गर्ने तयारी गरिएको हो ।
कलालयका अध्यक्ष सोनु जयन्तीका अनुसार कार्यशालाका लागि चैत २० गतेसम्म आवेदन खुल्ला हुनेछ । कला र नाटकको क्षेत्रमा रुची हुने बालबालिकाले आवेदन दिनसक्ने उनले बताए ।
इटहरीका सामुदायिक तथा निजी विद्यालयका विद्यार्थी वा अन्य विद्यार्थीहरूले पनि कार्यशालामा सहभागिता जनाउन सक्नेछन् । कार्यशालाका लागि राम्रो प्रतिक्रिया प्राप्त भइरहेको जयन्तीले जानकारी दिए ।
अघिल्ला संस्करणका कलाकार र केही नयाँ विद्यार्थीको टिमले नाटक प्रस्तुत गर्दै आएको अवस्थामा यसपटक नयाँ विद्यार्थीलाई प्राथमिकता दिइएको उनले बताए ।
जयन्तीका अनुसार ५० जना विद्यार्थीहरूलाई मात्र कार्यशालामा सहभागी गराइनेछ । कार्यशालाको अन्तिम दिन नाटक प्रस्तुत गरिनेछ ।
यसअघि स्कूल थिएटरबाट उत्पादन भएका कलाकारहरूले काठमाण्डौँका ठूला थिएटरमा आवद्व भएर नाटक प्रस्तुत गरिसकेका छन् ।
Discussion about this post