इटहरी : नेपालमा पठन संस्कृति विकास गर्नको लागि देशव्यापी कार्यक्रम गरिने भएको छ ।
इटहरीमा भएको एक भेलाले रिडिङ क्लब, रिडिङ प्रशिक्षक, पुस्तक प्रकाशनसहितका कामहरू गर्ने योजनासमेत बनाएको छ ।
पछिल्लो समय सूचना प्रविधिको बढ्दो प्रयोगसँगै मानिसहरूको अध्ययन गर्ने बानी हराएको निष्कर्ष निकाल्दै पठन संस्कृति विकासका लागि दीर्घकालिन योजना बनाउन लागिएको कार्यक्रमका संयोजक बद्रीप्रसाद दाहालले जानकारी दिए ।
उनले कृषि, शिक्षा, पर्यटन, जडिबुटी, सडक सुरक्षा, जीवनशैली, नेपाली भाषा विकासजस्ता दर्जनौं सवालमा अध्ययन, अनुसन्धान तथा लेखन कमजोर रहेको बताए ।
‘त्यसैले लेख्ने, पढ्ने र पढाउने सबै कामहरुलाई एकबद्ध गर्दै “विकास र समृद्धिको लागी पठन संस्कृति” सन्देशसहित कार्यक्रम तयार गरिएको छ,’ उनले भने ।
कार्यक्रममा सहभागिहरुले पठक संस्कृतिसम्बन्धि आफ्ना अनुभव र विचारहरू राखेका थिए ।
भेलाले इटहरीमा परीक्षणस्वरुप दाहालको संयोजकत्वमा विमल नेपाल, तीर्थ भण्डारी, गोविन्द पुरी, विवश राई, रोशन भुजेल र सदस्य सचिवमा नितेश गौतमसहित सात जनाको तयारी तथा तदर्थ समितिसमेत निर्माण गरेको छ ।
Discussion about this post