मोरङ : मोरङको रतुवामाई नगरपालिका ३ मिर्चा डागीस्थितमा करेन्ट लागेर दुई जना वृद्धाको मृत्यु भएको छ ।
वैशाख ३० गते राति साढे ९ बजेतिर छिमेकीको विवाहमा गएका ७३ वर्षीया सूर्यदेवी गनगाई र ७० वर्षीया रामुदेवी गनगाई बासमा बाँधेको माइक हावाहुरीका कारण ढल्दा हाइटेन्सन लाइनमा छोएर विद्युत प्रवाह हुँदा करेन्ट लागेर मृत्यु भएको थियो ।
घटनामा घाइते भएका दुवैजनाको उपचारको क्रममा रंगेली अस्पताल मोरङमा मृत्यु भएको कोशी प्रदेश प्रहरी कार्यालय विराटनगरले जनाएको छ ।
घटना सम्बन्धमा इलाका प्रहरी कार्यालय सिजुवा मोरङबाट थप अनुसन्धान भइरहेको प्रहरीको भनाइ छ ।
Discussion about this post