इटहरी : गत भदौ २३ र २४ गते जेनजी समूहद्वारा गरिएको आन्दोलनका क्रममा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीमा रहेका विभिन्न सामग्रीहरूमा तोडफोड तथा आगजनी भई क्षति पुगेको छ ।
सो क्रममा कार्यालयका केही सामग्रीहरू हराएका पनि प्रहरीले जनाएको छ ।
ट्राफिक व्यवस्थापन कार्यालय इटहरीले एक सूचना जारी गर्दै तोडफोड वा आगजनीपछि हराएका सामग्रीहरू जो कोही व्यक्तिको घर, टोल वा समाजमा फेला परेमा कार्यालयमा बुझाइदिन अनुरोध गरेको छ ।
प्रहरीले सूचनामा भनेको छ, “यदि कसैको नियन्त्रणमा ती सामग्रीहरू रहेका वा फेला परेका छन् भने कृपया तत्काल इटहरी ट्राफिक प्रहरी कार्यालयमा सम्पर्क गरी बुझाइदिनुहोस् ।”
सूचनाअनुसार प्रहरीका सामग्रीहरू प्रहरी कार्यालयमा नबुझाई पछिल्लो समयमा फेला परेमा प्रचलित कानुन बमोजिम कारबाही हुनेछ ।
सम्पर्कका लागि ९८५२०८०१०५ वा ९८५२०९०१६१ नम्बरमा सम्पर्क गर्न सकिने प्रहरीले जनाएको छ ।
Discussion about this post