होटल व्यवसायी सङ्घ इटहरीले दुई चरणमा होटेल खोल्ने तयारी गरेको छ । कोरोना त्रासको महामारीले होटल व्यवसायीहरुको धरापमा भएको भन्दै दुई चरणमा होटल खोल्ने तयारी गरिएको ह छ ।
सुनसरी जिल्लाका प्रमुख जिल्ला अधिकारी फडिन्द्रमणी पोखरेललाई ज्ञापन पत्र बुझाउँदै सङ्घले भदौ २५ र असोज १ गते गरी दुई चरणमा होटल खोल्ने जानकारी गराएको हो ।
पहिलो चरणमा सानो पुजिबाट स्वरोजगार गर्दै आएका स– साना चिया पसल, खाजा घर तथा रेस्टुरेन्ट खोल्ने र दोस्रो चरणमा ठुला मझौला होटेल तथा लज रिर्सोट विशेष कार्यविधि तथा सुरक्षाका मापदण्ड तयार गरि सञ्चालनको तयारी रहेको सङ्घले बुझाएको ज्ञापन पत्रमा उल्लेख गरिएको छ ।
प्रशासनले खोल्न नदिए पनि होटल व्यवसायीहरुले आफै होटल खोल्ने तयारी थालेका छन ।
गएको ६ महिना देखी जारी लकडाउनको कारण करोडौँको लगानी र हजारौँ व्यवसायी तथा कर्मचारीहरू मारमा परेका र उनीहरूमा आश्रित परिवारको अवस्था दिनानुदिन भयावह हुँदै गएकोले अब होटल खोल्नुको विकल्प भएको होटल व्यवसायी संघका इटहरीका अध्यक्ष जिवन पराजुलीले बताएका छन् ।
अझै पनि होटल सञ्चालनमा रोक लगाउने हो भने भोलिका दिनमा झनै भयावहको अवस्था आउँने पराजुली बताउँछन ।
दुरी कायम गर्ने तथा सुरक्षाको उपाय अपनाएर भाद्र २५ गते देखी साना लगानीको चिया पसल तथा साना लगानीको होटेल र असोज १ गते देखी ठुलो लगानीको लजहरू खोल्ने व्यवस्था मिलाइदिन जिल्ला प्रशासन कार्यालयसँग माग गरिएको होटल ब्यवसायी संघ प्रदेश एकका अध्यक्ष मडिन्द्र कटुवालले बताए ।
नेपाल भ्रमण वर्ष २०२० लाई लक्षित गरी खुलेका ठुला लगानीका होटेलहरू धराशायी भएको उनको भनाइ छ । बैङ्कको व्याज र घर भाडा तिर्न नसकेर अप्रिय घटना हुनसक्ने र पलायन समेत हुनसक्ने अवस्थालाई मध्यनजर सुरक्षा उपाय अपनाएर होटेल खोल्न आग्रह गरिएको हो ।
Discussion about this post