विराटनगर : नेपाल क्रिकेट फाउण्डेशनको आयोजनामा विराटनगर क्रिकेट लिग अन्तर्गत मेर्लीवोन विराटनगर ज्वाला क्रिकेट मैदानमा भएको खेलमा सिद्धार्थ स्पोर्टिङ क्लब र विराटनगर क्रिकेट क्लब एण्ड एकेडेमी विजयी भएको छन् ।
बुधबार भएको समूह बी को खेलमा सिद्धार्थ स्पोर्टिङ क्लबले लायन क्रिकेट एकेडमीलाई ३० रनले पराजित गरेको छ ।
लिगमा लगातार तीन खेलमा जित निकाल्दै सिद्धार्थले फाइनलको यात्रा तय गरेको छ भने लायनले खेलेको २ खेलमा पराजित हुँदै प्रतियोगिताबाट बाहिरिएको छ ।
जितसँगै सिद्धार्थले खेलेको ३ खेलमै जित निकाल्दै ६ अंकका साथ समूहको शीर्ष स्थानमा रहेको छ ।
कटहरी ३ खेलमा १ मा जित र २ पराजित हुँदै २ अंकका साथ दोस्रो स्थान र डाइनामिक क्रिकेट एकेडेमीले २ खेलमा १ मा जित र १ मा पराजित हुँदै २ अंकका साथ तेस्रो स्थानमा रहेको छ ।
टस जितेर ब्याटिङको गरेको सिद्धार्थले निर्धारित २० ओभरमा ८ विकेट गुमाई १ सस ६ रनको योगफल तयार पारेको थियो ।
सिद्धार्थका लागि फिर्दोस अन्सारीले अविजित हुँदै ३७ रन र दिपेश कँडेलले १९ रन बनाए । लायनका शकिव हकले ३ विकेट लिँदा गौरभ कटवालले २ विकेट लिए ।
जवाफमा १ सय ७ रनको लक्ष्य पछ्याएको लायनले १७ दशमलव ३ बलमा सवै विकेट गुमाई ७६ रन मात्र सिमित भयो । लायनका शकिव हकले २६ रन जोड्दा निरजकुमार ठाकुरले १२ रनको योगदान दिए ।
सिद्धार्थका निरज मुखियाले ३ विकेट लिँदा दिपेश कँडेल, फिर्दोस अन्सारी र विजय मण्डलले २–२ विकेट लिए । खेलको म्यान अफ द म्याच सिद्धार्थका फिर्दोस अन्सारी घोषित भए ।
यसअघि भएको पहिलो खेलमा विराटनगर क्रिकेट क्लव एण्ड एकेडेमीले मिल्स क्रिकेट क्लब एण्ड एकेडेमीलाई ३ विकेटले पराजित गर्दै समूह ए को शीर्ष स्थानमा उक्लिएको छ भने लगातार २ खेलमा पराजित हुँदै मिल्स प्रतियोगिताबाट बाहिरिएको छ ।
जितसँगै विराटनगरको ४ अंक रहेको छ । विराटनगरले खेलेको २ वटै खेलमा जित निकालेको छ । विराट क्रिकेट एकेडेमी २ खेलमा १ मा पराजित हुँदै २ अंकका साथ दोस्रो, इलाइटले खेलेको २ खेलमा १ मा जित र १ मा पराजित हुँदै २ अंकका साथ तेस्रो र मिल्सले खेलेको २ वटै खेलमा पराजित हुँदै पुछारमा रहेको छ ।
टस हारेरर ब्याटिङको गरेको मिल्सले निर्धारित २० ओभरमा ९ विकेट गुमाई १ सस ३ रनको समान्य योगफल तयार पारेको थियो ।
मिल्सका लागि रितिक चौधरीले १७ रन, अभय कुमीले १४ रन, नरेन्द्र कर्णले १३ रन तथा सँतोष चौधरी र डनिस राजाले ११–११ रन बनाए । विराटनगरका क्रितिक कामतले ३ लिँदा रितेश झा र कृष शर्माले २–२ विकेट लिए ।
जवाफमा १ सय ४ रनको सामान्य लक्ष्य पछ्याएको विराटनगरले १७ दशमलव १ बलमा ७ विकेट सो विजयी लक्ष्य भेट्टाएको थियो ।
विराटनगरका भूपाल दंगालले २५ जोड्दा सागर कटवालले २१ रनको योगदान दिए ।
मिल्सका विधान गोश्वामीले २ विकेट लिँदा वैभव राजले पनि २ विकेट लिए । खेलको म्यान अफ द म्याच विराटनगरका सागर कटवाल घोषित भए ।
Discussion about this post