भर्खर २८ वर्ष पुग्दै गरेका टाँसी शेर्पाको जीवन विगत १० वर्षदेखि हिमाल चुचुरामा जीवनका सपना खोज्दै बित्दैछ ।
६ वर्षको उमेरमा प्रा.वि. तहको विद्यालयमा भर्ना भएर शिक्षाको ज्योति खोज्न निस्किएका टाँसीले थौरै औपचारिक शिक्षा, राम्रो अंग्रेजी र जापानिज भाषाको ज्ञानसँगै विश्वका अग्ला शिखर चुम्ने सीप सिक्दा अहिले जिन्दगीले ८ हजार भन्दा अग्ला हिमालका चुचुरामा जीवनका सुन्दर सपना सानदार रूपमा खोजिरहेका छन् ।
संखुवासभाको मकालु गाउँपालिका–२ का शेर्पाले सगरमाथाको ६ पटक सफल आरोहण र एकपटक चौथो क्याम्पसम्मको यात्रा सफलतापूर्वक सम्पन्न गरिसकेका छन् ।
त्यस्तै, विश्वको दोस्रो अग्लो हिमाल पाकिस्तानको के.टु. एकपटक, विश्वको तेस्रो अग्लो हिमाल नेपालमा रहेको कञ्चनजंघा एक पटक, आठौँ अग्लो हिमाल मनास्लु ७ पटक सफलतापूर्वक चढिसकेका छन् । यसैगरी मेरापिक, लोबुचे, आईलेण्डपिक, आमादबलम् जस्ता ७ हजार मिटर भन्दा कमका पिकहरू दर्जनौँ पटक चढिसकेका छन् ।
जिन्दगीमा औपचारिक शिक्षाले भन्दा हिमाल चढ्ने सीप, ज्ञान र त्यसप्रतिको आफ्नो लगाव र मेहेनतले आफूलाई हिमालका चुचुरामा संसारका सबै चुनौतीसँग सामना गर्दै कुद्न सक्ने बनाएको बताउने टाँसी विश्वको ८ हजार मिटर माथिका १४ वटा हिमाल दुई दुई पटक चढेर हिमालमा फक्रिएका सुन्दर सपनालाई जीवन रङ्गाउने रङगमा बदल्न चाहान्छन ।
पछिल्लो पुस्ता अर्थात् जेनजी पुस्तालाई हिमाल भविष्य खोज्न प्रेरणा दिने टाँसीले बेलायत, अमेरिका, भारत, चीन, चिलीजस्ता देशका आरोहीहरूलाई सगरमाथाको सफल आरोहण गराई नेपाली शेर्पाको व्यवसायिकता र इमान्दारितासमेत प्रस्तुत गरेका छन् ।
Discussion about this post