कोशी प्रदेशसभाको आठौँ अधिवेशन अन्त्य

इटहरी : कोशी प्रदेशका प्रदेश प्रमुख परशुराम खापुङ्गले प्रदेश सभाको चालु आठौँ अधिवेशन अन्त्य गरेका छन् ।

प्रदेश सरकारको सिफारिसमा प्रदेश प्रमुखले सोमबार मध्यरातदेखि लागु हुने गरी अधिवेशन अन्त्य गरेका हुन् ।

प्रदेश प्रमुखको कार्यालयद्वारा जारी विज्ञप्ति अनुसार नेपालको संविधानको धारा १८३ को उपधारा (२) बमोजिम कोशी प्रदेश सरकार (मन्त्रिपरिषद्)को सिफारिसमा उक्त निर्णय लिइएको हो ।