इटहरी : कोशी प्रदेश सरकारले आगामी आर्थिक वर्ष २०८३।८४ का लागि ४० अर्ब ४४ करोड ९८ लाख रुपैयाँको बजेट सार्वजनिक गरेको छ ।
आर्थिक मामिला तथा योजना मन्त्री विदुर लिंथेपले गत वर्षको भन्दा १२ दशमलब ७४ प्रतिशत बढीको बजेट प्रस्तुत गरेका हुन् ।
लिंथेपले चालु तर्फ १३ अर्ब ९७ लाख ६३ लाख र पूँजीगततर्फ २० अर्ब ७५ करोड ९९ लाख बजेट विनियोजन गरिएको बताए । यो बजेट पूँजीगततर्फ ५१ दशमलब ३२ प्रतिशत र चालूतर्फ ३४ दशमलब ५५ प्रतिशत हो ।
यस्तै, वित्तीय व्यवस्थापनतर्फ १५ करोड रुपैयाँ विनियोजन भएको छ ।
लिङ्थेपले उक्त खर्च व्यहोर्ने स्रोतमा आन्तरिक राजस्वबाट ५ अर्ब ५० करोड, राजस्व बाँडफाँडबाट १२ अर्ब ८७ करोड, संघबाट आउने वित्तीय समानीकरणबाट ९ अर्ब १२ करोड, सशर्त अनुदान ५ अर्ब ९५ करोड, समपुरक ६४ करोड, विशेष अनुदान ५५ करोड, रोयल्टीबाट प्राप्त हुने रकम ४१ करोड, सोझै भुक्तानीबाट २० करोड र बाँकी अपुग रकम नगद मौज्दातबाट ५ अर्ब व्यहोरिनेगरी बजेट प्रस्तुत गरेका हुन् ।
Discussion about this post