मोरङ : मोरङको मिक्लाजुङ गाउँपालिका–२ मा भीरबाट लडेर एक जनाको मृत्यु भएको छ।
मृत्यु हुनेमा मिक्लाजुङ–२ निवासी ४० वर्षीय राजकुमार राई रहेका छन्।
प्रहरीका अनुसार शनिबार साँझ बाख्रा चराएर घर फर्किने क्रममा चुलीपोखरीस्थित भीरबाट लडेर उनी गम्भीर घाइते भएका थिए। घटनाबारे भने प्रहरीलाई आइतबार मात्र जानकारी प्राप्त भएको थियो।
सूचना प्राप्त हुनासाथ अस्थायी प्रहरी चौकी टाडीबाट प्रहरी टोली घटनास्थलतर्फ खटिएको मोरङ प्रहरीले जनाएको छ।
घटनाको प्रकृति, मृत्युको कारण तथा अन्य विवरणबारे प्रहरीले थप अनुसन्धान गरिरहेको जनाएको छ।
Discussion about this post