धरानमा आज एक पत्रकारसहित थप १३ जनामा कोरोना भाइरस संक्रमणको पुष्टि भएको छ ।
थपिएका १३ जना मध्ये धरान उपमहानगरपालिकाका एक कर्मचारी, एक जना पत्रकार, एक विद्यालयका प्रधानाध्यापक समेत रहेका छन् ।
धरान उपमहानगरपालिकाका स्वास्थ्य महाशाखाले दिएको जानकारी अनुसार आज सङ्क्रमण पुष्टि हुनेहरूमा धरान १८ का २५, ५५, ३१ बर्षीया महिला र ५५ वर्षीय पुरुष गरी ४ जना, धरान १५ का ३८ वर्षीय पुरुष, धरान १ का ३४ वर्षीय पुरुष, धरान ८ का ५४ वर्षीय पुरुष, धरान १६ का २७ वर्षीय पुरुष र ५५ वर्षीय महिला गरी २ जना रहेका छन् ।
त्यस्तै, धरान २० का २५ वर्षीय महिला, धरान ३ का २१ वर्षीय महिला, धरान ६ का ३१ वर्षीय महिला र धरान १२ का ३८ वर्षीय पुरुषमा सङ्क्रमण पुष्टि भएको छ ।
Discussion about this post