इटहरीमा सडक सुरक्षाका लागि रिफ्लेक्टर बोर्ड राखियो

इटहरी : इटहरी क्षेत्रमा बढ्दो सवारी दुर्घटना न्यूनीकरण तथा सडक सुरक्षासम्बन्धी जनचेतना अभिवृद्धि गर्ने उद्देश्यले विभिन्न स्थानमा रिफ्लेक्टर बोर्ड राखिएको छ।

इटहरी ट्राफिक प्रहरी र इटहरी उपमहानगरपालिका–९ का वडाध्यक्ष जितेन्द्र थापाको समन्वयमा एपेक्स हस्पिटलको सौजन्यमा रिफ्लेक्टर बोर्ड राखिएको हो। सडकमा रातिको समयमा सवारीसाधन तथा पैदलयात्रीलाई सहज रूपमा देख्न सकिने गरी बोर्ड राखिएको जनाइएको छ।

सडक सुरक्षा सबैको साझा जिम्मेवारी भएकाले ट्राफिक नियमको पालना गर्दै सुरक्षित यात्रा गर्न सम्बन्धित निकायले सबैमा आग्रह गरेका छन्। दुर्घटना न्यूनीकरणका लागि प्रहरी, स्थानीय तह तथा नागरिकबीच सहकार्य आवश्यक रहेकोमा जोड दिइएको छ।