जिपको ठक्करबाट प्रहरी सहायक निरीक्षकको मृत्यु

बनेपा : काभ्रेको बनेपामा जिपको ठक्करबाट एकजना प्रहरी सहायक निरीक्षकको मृत्यु भएको छ ।

बनेपा नगरपालिका–१३ स्थित सडकमा बा १९ च १३२३ नम्बरको जिपले दिउँसो ठक्कर दिँदा प्रहरी चौकी साँगामा कार्यरत प्रहरी सहायक निरीक्षक तेज बहादुर गुरुङको मृत्यु भएको हो ।

जिपको ठक्करबाट गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको प्रहरीले जनाएको छ । जिप चालकलाई नियन्त्रणमा लिएर प्रहरीले आवश्यक अनुसन्धान गरिरहेको छ ।