नेपाल भारतको सीमा नाका दशगजादेखि दक्षिण जोगबनीमा एक जना नेपाली युवाको मृत्यु भएको अवस्थामा शव भेटिएको छ ।
विराटनगर १६ को दक्षिण गेटदेखि करिब १ सय मिटर दक्षिण भारतको जोगवनीको रेलवेय स्टेशन छेउमा २५ वर्षिय युवाको बिहीबार बिहान मृत अवस्थामा लाश भेटिएको हो ।
मृतकका युवाको पहिचान खुलिसकेको छैन । उनी लागूऔषध सेवनकर्ता रहेको खुलेको छ । मृतक युवा बुधबार जोगवनीमा लागूऔषध सेवन गर्न गएको बुझिएको छ । उनको नाम नखुलेपनि इटहरी घर भएको यहाँका स्थानिय बताउँछन् ।
मृतकका युवाको शरिरमा चोटपटक पनि लागेको छ । शरीरको पछाडि ढाडमा चोट लागेको कारण रगत बगेको छ । कुटपिट गरि हत्या गरेको हुनसक्ने आशंका गरिएको छ । तराइबासी देखिने मृतक युवाको उचाइ ५ फिट ४ इन्च रहेको छ । उनको दुवै हातमा ट्याटु खोपेका छन् भने दाइने कानमा टप लगाएका छन् ।
मृतकको सनाखत भइ नसकेको इलका प्रहरी कार्यालय रानी विराटनगरका प्रमुख इनिस्पेक्टर दिपक थापाले जानकारी दिए । घटनास्थल भारतीय क्षेत्रमा पर्ने भएकोले भारतीय प्रहरीले अनुसन्धान गर्ने प्रहरीले जनाएको छ । मृतक लागूऔषध दुव्र्यसनी रहेको स्थानीयलाई उधृत गर्दै प्रहरीले बताएको छ ।
‘मृतक युवक यसअघि सो क्षेत्रमा हिँडडुल गर्दा रहेछन,’ इन्सिपेक्टर थापाले भने, ‘लागूऔषध प्रयोगकर्ता रहेको जानकारी आएपनि परिचय खुलेको छैन ।’ मृतकको पहिचान गर्ने प्रयास भइरहेको थापाले बताए ।
मृत्यु भएको अवस्थामा शव भेटिएको युवाको शरिर भरी चोटपट भएकोले हत्या भएको हुनसक्ने आशंका गरिएको छ । हत्या भएको आशंका गरिए पनि भारतीय प्रहरीले घटनाको अनुसन्धान सुरू गरेको छैन । नेपाली युवा भएकोले प्रहरीले शव बुझेर नेपाल तिर लैजान दबाव दिएको प्रहरी स्रोतले बतायो ।
ब्लाष्टखबरबाट ।
Discussion about this post