एकैदिन थपिए ३३४ संक्रमित, २६ सय नाघ्यो संक्रमितको संख्या

पछिल्लो २४ घण्टामा थप तीन सय ३४ जनामा कोरोना भाइरसको संक्रमण पुष्टि भएको छ । यो सँगै नेपालभरि कुल संक्रमितको संख्या २६ सय नाघेको छ ।

स्वास्थ्य तथा जनसंख्या मन्त्रालयको नियमित ब्रिफिङमा मन्त्रालयका प्रवक्ता डा. विकास देवकोटाका अनुसार दैलेखमा मात्र १ सय १३ जना संक्रमित थपिएका छन् ।

यो सँगै नेपालमा संक्रमितको संख्या २६ सय ३४ पुगेको छ ।
उनीहरूमध्ये १० जनाको मृत्यु भएको छ भने दुई सय ९० जना कोरोना मुक्त भएका छन् ।