हिजो इटहरीको क्वारेन्टाइनबाट भागेका व्यक्तिलाई घर पठाईयो, स्थानीयबासी त्रसित

इटहरी : इटहरीको जनता बहुमुखी क्याम्पसमा रहेको क्वारेन्टाइनबाट मंगलबार (हिजो) भागेका व्यक्तिलाई क्वारेन्टाइनमा राख्न नसक्न भन्दै घर पठाईएको छ ।
इटहरी ६ स्थित त्रिबेणी मार्गमा घरभाडामा बस्दै आएका उनलाई मंगलबार नै परिवारको जिम्मा लगाईएको इटहरी प्रहरीले जनाएको छ ।
ईलाका प्रहरी कार्यालय इटहरीका प्रहरी नायव उपरीक्षक धर्मराज भण्डारीका अनुसार उनलाई डाक्टरले नै क्वारेन्टाइनमा राख्न नपर्ने बताएकाले घर पठाईएको बताए । उनले टाकुरासँग भने, ‘हिजो नै इटहरी अस्पतालमा उनको चेकजाँच गरिदाँ नेगेटिभ रिपोर्ट आएपछि उनलाई क्वारेन्टाइनमा राख्न नपर्ने डाक्टरहरुको सुझाव आएको थियो ।’ भण्डारीले ती नागरिक भारतीय रहेको बताउँदै नेगेटिभ रिपोर्ट आएपछि घर पठाईएको जानकारी दिए ।
उनी घर गएपछि इटहरीबासी भने त्रसित बनेका छन् । मंगलबार जनता क्याम्पसको गेटबाट हामफालेर चाउचाउ खाँदै ती व्यक्ति भागेका थिए । भागेको केहीबेरमा नेपाली सेनाले उनलाई पक्राउ गरी पुनः क्वारेन्टाइनमा राखिएको भएपनि ती व्यक्तिलाई राख्न नसक्ने भन्दै घर फर्काइएको बताईएको छ । स्थानीयका अनुसार जनता बहुमुखी क्याम्पसको क्वारेन्टाइन व्यवस्थित र गुणस्तरीय नरहेको बताउँदै आएका छन् । ती व्यक्तिलाई घरमा राखिएपछि पटक–पटक इटहरी उपमहानगरपालिकाकी उपप्रमुख लक्ष्मी गौतमसँग यस बिषयमा बुझ्न खोज्दा उनको फोन उठेन । नेपाली सेनाले सुरक्षाको जिम्मा लिएको उक्त क्वारेन्टाइनमा ती व्यक्तिसहित १३ जना भारतीय नागरिक रहेका थिए भने अन्य ७ जना नेपाली रहेका छन् । ती भारतीय नागरिकलाई इटहरीमा घरभाडामा बस्दै आएका परिवारको जिम्मा लगाईएपछि स्थानीय अहिले त्रसित बनेका छन् ।

यो पनि

 

https://takuranews.com/2020/04/14/%e0%a4%87%e0%a4%9f%e0%a4%b9%e0%a4%b0%e0%a5%80%e0%a4%95%e0%a5%8b-%e0%a4%95%e0%a5%8d%e0%a4%b5%e0%a4%be%e0%a4%b0%e0%a5%87%e0%a4%a8%e0%a5%8d%e0%a4%9f%e0%a4%be%e0%a4%87%e0%a4%a8%e0%a4%ac%e0%a4%be%e0%a4%9f/