तरहरा : विराटनगरको रानीदेखि धरानसम्म निर्माणाधिन रहेको ६ लेन सडकखण्ड अन्र्तगत तरहरा देखि धरानको तीनकुने सम्म ४ लेन मात्र बन्ने भएको छ ।
विराटनगरदेखि धरानसम्मको ४९ किलोमिटर सडक ६ लेनको क्रममा विस्तार हुँदै आएको छ ।
तरहरादेखि धरानको तीनकुने सम्म १० किलोमिटर सडक ४ लेन मात्र बन्न लागेको हो ।
व्यापारिक मार्ग विस्तार आयोजना अन्तर्गत कोशी राजमार्गमा निर्माणधीन ४९ किलोमिटर सडकमध्ये तरहरादेखि धरानसम्म सडक विस्तार गर्न एक हजार ४ सय ३० वटा रुख कटान गरिन लागेको ६ लेन सडक इटहरीका परियोजना व्यवस्थापक बद्री प्रसाद शर्माले जानकारी दिए । ‘सहरी क्षेत्रमा फुटपाथ हुने भएकाले ठूलो सडक बन्दै आएको थियो,’ उनले भने, ‘यहाँ भने ४ लेनको मात्र सडक बन्ने तयारी गरिएको छ ।’
उनका अनुसार सहरी क्षेत्रमा भन्दा बन क्षेत्रमा सवारीको चाप कम हुने भएकाले यहाँ ४ लेनको मात्र सडक बन्ने भएको हो । ‘तरहराको पानीपिया क्षेत्रदेखि धरानको तीनकुने सम्मको सडकमा एक हजार ४ सय ३० वटा रुख कटान हुँन लागेको हो,’ उनले टाकुरासँग भने, ‘अहिले ३२.६४ किलोमिटर क्षेत्रमा धमाधम काम भइरहेको छ ।’ उनका अनुसार अहिले अन्य ठाउँमा २५–२५ मिटर सडक चौडा गरिएको छ भने बन क्षेत्रमा १५–१५ मिटर मात्र सडक चौडा गरिनेछ ।
तरहरा धरान सडक खण्डमा पर्ने रुख कटानका लागि बन कार्यालयले सहमति दिएसँगै प्रक्रिया अघि बढेको उनको भनाई थियो । उनका अनुसार दुईवटा प्याकेजमा टेण्डर आह्वान गरि सकिएको छ ।
Discussion about this post