सुन्दरहरैँचा : कोरोना कहरका कारण विभिन्न अस्पतालहरुमा रगतको कमी भएपछि नेपाली काँग्रेसको युवा दस्ता नेपाल तरुण दल सुन्दरहरैँचा नगर समितिले रक्तदान कार्यक्रम सम्पन्न गरेको छ ।
तरुण दल सुन्दरहरैँचाका सभापति मिलन श्रेष्ठका अनुसार अत्यावश्यक रगत अभाव भएसँगै आफ्नो सामाजिक उत्तरदायित्व बहन गर्नका लागि रक्तदान कार्यक्रमको आयोजना गरिएको हो । आज सुन्दरहरैँचाको गछिया खेल मैदानमा भएको रक्तदानमा एक सय ५८ पिन्ट रगत संकलन भएको उनले बताए ।
रक्तदान कार्यक्रममा धरानस्थित वीपी कोइराला स्वास्थ्य विज्ञान प्रतिष्ठानमा कार्यरत चिकित्सक डा. देवराज घिमिरेले कोरोनाको विषयमा स्वास्थ्य सचेतना सम्बन्धी जानकारी गराएका थिए ।
Discussion about this post