धरान : राष्ट्रिय जनमुक्ति पार्टी धरान उपमहानगर कार्यसमिति धरानले वीपी कोईराला स्वास्थ्य विज्ञान प्रतिष्ठानद्धारा निर्मित कोभिड १९ अस्पताल लाई १० थान पिपिई प्रदान गरेको छ ।
राजपा पार्टी संघीय परिषदको “कोरोना विपद,उद्वार तथा राहत कोष” मार्फत प्राप्त उक्त सामाग्री पार्टीका संघीय परिषद् सचिव विष्णु थाम्देनद्वारा आज मंगलवार प्रतिष्ठानको उपकुलपतिको कार्यलय सभाहलमा एक कार्यक्रम बीच प्रतिष्ठानका उपकुलपति प्रा.डा.ज्ञानेद्र गिरीलाई हस्तान्तरण गरेको हो ।
उक्त कार्यक्रममा पार्टीका नगर अध्यक्ष एवं संयोजक चित्र मगर (हाङ) ले राष्ट्रिय अविष्कार केन्द्र (महाविर पुन) द्धारा निर्मित यो पिपिई १ न. प्रदेशभर बाड्ने क्रममा रहेको र हाल वीपी प्रतिष्ठानलाई १० थान हस्तान्तरण गरिएको बतए ।
पिपिई ग्रहण गर्दै प्रतिष्ठानका उपकुलपति प्रा.डा. गिरीले वीपी प्रतिष्ठान प्रति सबैको साथ सहयोग सद्धभाव रहेकोले १ हप्ताभित्र सुविधा सम्पन्न कोभिड अस्पताल निर्माण गर्न सफल भएको बताए । साथै उपकुलपति गिरिले कोभिड अस्पतालमा उपचारको सबै तयारी अवस्थामा रहनुको साथै सबैमा ढुक्क रहन आग्रह गरे ।
कार्यक्रममा पार्टी संघीय परिषद सचिव विष्णु थाम्देन, धरान नगर अध्यक्ष चित्र मगर ’हाङ’, धरान नगर सल्लाहकारहरु डा.किशोर गुरुङ तथा किशोर खड्गी र पार्टीको भातृ संगठन जनमुक्ति युवा महासंघ धरान नगर अध्यक्ष मनी राई “इना” को समेत उपस्थिति रहेको थियो ।
Discussion about this post