इटहरी : नेपाल रेडक्रस सोसाइटी हाँसपोसा उपशाखालाई इटहरीका प्रतिष्ठित व्यवसायी भीम पौडेलले एम्बुलेन्स सहयोग गरेका छन् ।
आइतबार (आज) एक कार्यक्रमको आयोजना गरी पौडेलले एम्बुलेन्स हस्तान्तरण गरे ।
तरहरामा रहेको सगरमाथा खेल मैदानमा आयोजित कार्यक्रममा उनले एम्बुलेन्स हस्तान्तरण गरेका हुन् ।
एम्बुलेन्स हस्तान्तरण कार्यक्रममा बोल्दै पौडेलले आफूले व्यवसायबाट कमाएको केही रकम छुट्याएर सामाजिक काम गर्दै आएको बताए । उनका अनुसार १८ लाख रुपैयाँ बराबरको एम्बुलेन्स हाँसपोसा र खनार उपशाखालाई हस्तान्तरण गरिएको हो । यद्यपि, खनारमा भने एम्बुलेन्स खरिद भएर आएपनि हस्तान्तरण हुन बाँकी छ ।
‘दुई वर्षअघि मलाई एम्बुलेन्स दिनुपर्छ भनेर भनिएपछि दिने वचन दिएको थिएँ,’ पौडेलले भने, ‘०४६ देखि व्यवसायसँगै सेवामा समर्पित छु, सामाजिक काम गर्नका लागि कहिल्यै पनि पछि हटेको छैन ।’
उनले उद्योग बाणिज्य संघ इटहरीको अध्यक्ष भइसकेपछि यहाँका विभिन्न क्षेत्रमा सामाजिक काम गरिराखेको स्मरण गरे ।
उनले अहिले इटहरीमा सार्वजनिक शौचालय नरहेकाले अहिले उवासंघले ‘पोर्टेबल शौचालय’ सञ्चालन गरिराखेको बताउँदै तरहरा क्षेत्रमा पनि बैशाख १५ भित्र दुईवटा ‘पोर्टेबल शौचालय’ हस्तान्तरण गर्ने बताए ।
कार्यक्रमका प्रमुख अतिथि नेपाली कांग्रेसका केन्द्रीय सदस्य राजीव ढुंगानाले समाजमा अहिले पनि बिरामीलाई समयमा अस्पताल पु¥याउन नसक्दा मृत्यु नै भएको घटना विद्यमान रहेकाले अब यस क्षेत्रमा एम्बुलेन्स पाएर कसैको पनि ज्यान नजाने बताए ।
भने, ‘एम्बुलेन्स नपाएर अस्पताल नै नपुगी मृत्यु भएको घटनाहरू छन्, आज यसरी एम्बुलेन्स हस्तान्तरण गर्नु उदाहरणीय कार्य हो ।’
उनले मानवीय सेवामा अत्यन्त उदाहरणीय काम गरेकाले प्रशंसा गरे ।
कर्यक्रममा वडाध्यक्ष मणिराम श्रेष्ठले इटहरी क्षेत्रमा सामाजिक सेवामा समर्पित रहेका पौडेलले हाँसपोसा शाखालाई एम्बुलेन्स हस्तान्तरण गर्नु सराहनीय कार्य रहेको बताए ।
उनले भने, ‘उपचार नपाएर समय अभावले कसैको मृत्यु नहोस् भन्ने किसिमले सेवा गर्छु भन्नु अत्यन्त सराहनीय छ ।’
नेपाल रेडक्रस सोसाइटी सुनसरी सभापति उमेश थापाले सुनसरीमा हाल एक सय २२ वटा एम्बुलेन्स सञ्चालनमा रहेको बताउँदै मानवीय सेवामा समर्पित रहेको रेडक्रसलाई एम्बुलेन्स हस्तान्तरण गर्नु सुखद रहेको बताए ।
उनका अनुसार सुनसरी रेडक्रसमा २०३४ सालदेखि एम्बुलेन्स सञ्चालनमा रहेपनि शाखामा भने नभएको अवस्थामा यहाँका जनतालाई प्रत्यक्ष रूपमा सेवा पुग्ने बताए । उनले एम्बुलेन्स सेवा व्यापारमुखी हुन नहुने तर्क राखे ।
कार्यक्रममा स्वागत मंतब्य राख्दै दोर्ण न्यौपाने रेडक्रस हाँसपोसा उपशाखा २०४४ सालमा स्थापना भएर यहाँको मानवीय सेवामा समर्पित रहेको बताए । रेडक्रसले विभिन्न मानवीय सेवा गरेपनि एम्बुलेन्स सेवाबाट यस क्षेत्रका जनतालाई सेवा पु¥याउन नसकेको अवस्थामा पौडेलले एम्बुलेन्स दिएर मानवीय काम गरेको बताए ।
कार्यक्रममा रेडक्रस हाँसपोसा उपशाखाका सभापति चन्द्रकुमार गिरीले सामाजिक काम गर्न धेरै बाधा आउने बताए ।
उनले भने, ‘सामाजिक काम गर्दा हरेक निकायमा आर्थिक चलखेल हुँदो रहेछ, त्यसैकारण पनि हामी दुईवर्ष ढिला भयौँ ।’ उनले दुई वर्ष अघि नै एम्बुलेन्स आउने भएपनि प्राविधिक कारणले ढिला भएको बताउँदै पौडेलले एम्बुलेन्स दिनु उदाहरणीय कार्य भएको बताए ।
साथै, कार्यक्रममा एम्बुलेन्स दाता पौडेललाई बाजागाजासहित वडा परिक्रमा गरी अभिनन्दित समेत गरिएको रेडक्रस हाँसपोसाका कोषाध्यक्ष दुर्गाप्रसाद पौडेलले बताए ।
एम्बुलेन्सका लागि ९८२६३८६००० मा सम्पर्क गर्न सकिने जनाइएको छ ।
भिडियो
Discussion about this post