इटहरी : सुनसरी र मोरङमा भएको सवारी दुर्घटनामा दुईजनाको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार बिहीबार राति भएका अलगअलग सवारी दुर्घटनामा परेर दुईजनाको मृत्यु भएको हो ।
सुनसरीको भोक्राहानरसिंह गाउँपालिका ४ चिरौली चोकस्थित पूर्वपश्चिम लोकमार्गमा नम्बर नखुलेको सवारी साधनले ठक्कर दिँदा एक जनाको मृत्यु भएको छ । मृतकको पनि सनाखत हुन सकेको छैन ।
प्रहरीका अनुसार सवारीसाधनले ठक्कर दिँदा अन्दाजी ३०–३२ वर्षको जस्तो देखिने पुरुषको मृत्यु भएको पाइएको छ ।
दुर्घटना गराएर फरार बनेको सवारीसाधनको खोजी तीव्र पारेर मृतकको पहिचानको प्रयास भइरहेको प्रहरीले जनाएको छ ।
उता, मोरङको रतुवामाई नगरपालिका ४ झुर्कियामा मोटरसाइकल दुर्घटना हुँदा चालकको मृत्यु भएको छ ।
सडकमा गुडिरहेको प्रदेश १–०४–००१ प ७६३१ नम्बरको मोटरसाइकल आफैँ अनियन्त्रित भएर दुर्घटनामा पर्दा मोटरसाइकलका चालक रतुवामाई ४ का २२ वर्षीय पंकज यादवको मृत्यु भएको हो ।
दुवै घटनाबारे थप अनुसन्धान भइरहेको प्रहरीले जनाएको छ ।
Discussion about this post