धरान : धरानस्थित वीपी कोइराला स्वास्थ्य विज्ञान प्रतिष्ठानमा फार्मेसी सेवा सुरु भएको छ ।
आज (बिहीबार) एक कार्यक्रमको आयोजना गरी प्रतिष्ठानका उपकुलपति डा. ज्ञानेन्द्र गिरीले उद्घाटन गरेका हुन् । ५ वर्ष अघि निजी मेडिकललाई ठेक्कामा चलाउन दिएको फार्मेसी बन्द अवस्थामा थियो ।
अहिले प्रतिष्ठान आफैँले फार्मेसी सञ्चालन गरेपछि बिरामीलाई बाहिरका निजी मेडिकल जाने बाध्यता हट्ने प्रतिष्ठानले जनाएको छ ।
उद्घाटन कार्यक्रममा बोल्दै उपकुलपति गिरीले लामो समयको पखाई पछि फार्मेसी सेवा सञ्चालन गर्न प्रतिष्ठान सफल भएको बताए ।
उनले फार्मेसी अस्पतालको मेरुदण्ड भएको बताउँदै आर्थिक सूचकमा समेत टेवा पुर्याउने बताए ।
प्रतिष्ठानका रजिस्ट्रार प्रा.डा. सूर्यप्रसाद सङ्ग्रौलाले प्रतिष्ठानका कमीकमजोरीलाई सुधार गर्दै फार्मेसीलाई वैज्ञानिक रूपमा अघि बढाउनु पर्ने बताए ।
Discussion about this post