इटहरी : केही दिनदेखि जाडो बढेसँगै इटहरी उपमहानगरले दुई दिनका लागि सम्पूर्ण विद्यालय बन्द गर्ने निर्णय गरेको छ ।
चिसो अत्याधिक बढेसंगै दुई दिन विद्यालय बन्द गर्ने निर्णय गरिएको हो ।
नगर प्रमुख हेमकर्ण पौडेलद्वारा जारी विज्ञप्ति अनुसार पुस २८ र २९ गते दुई दिन नगर क्षेत्रका सम्पूर्ण सामुदायिक एवं संस्थागत विद्यालयमा शैक्षिक गतिविधि बन्द गर्न अनुरोध गरिएको हो ।
विगत केही दिनदेखि बढ्दै गएको चिसो तथा शीतलहरका कारण जनजीवन कष्टकर बन्दै गएको तथा विद्यार्थीमा पठनपाठन असहज बन्दै गएको भन्दै विद्यालय बन्द गर्न उपमहानगरले विज्ञप्ति जारी गरेको हो ।
Discussion about this post