नेविसंघको स्थापना दिवसमा बालआश्रममा सहयोग, साँझमा दीप प्रज्वलन

इटहरी : नेपाल विद्यार्थी संघ (नेविसंघ) को ५४ औँ स्थापना दिवसको अवसर पारेर इटहरीमा कार्यक्रम गरिएको छ ।

नेविसंघ सुनसरी र जनता बहुमुखी क्याम्पस इकाई कमिटिद्वारा बुधबार (आज) स्थापना दिवसको अवसर पारेर बाल आश्रममा सहयोग र साँझमा दीप प्रज्वलन गरिएको छ ।

नेविसंघ सुनसरी सभापति प्रमोद भट्टराईका अनुसार इटहरीको अनाथ बाल आश्रममा दुई थान पंखा र शैक्षिक सामाग्री सहयोग गरिएको छ ।

यस्तै, साँझमा इटहरीको मुख्य चौकमा दीप प्रज्वलन गरिएको छ ।

दीप प्रज्वलन कार्यक्रममा जनता बहुमुखी क्याम्पसका स्ववियु सभापति तथा नेविसंघका सभापति सहदेव काफ्ले, नेपाली कांग्रेस जिल्ला सदस्य युरिका घिमिरे, इटहरी नगर सचिव मन्दीप भट्टराई लगायतले बोलका थिए ।

यसैबीच सुनसरी जिल्लाका विभिन्न इकाई कमिटिले विविध कार्यक्रम गरेर स्थापना दिवस मनाएका छन् ।