तरहरा : इटहरी २० तरहरामा तरहरा जेसीजले फुड बैँक अभियान सन्चालन गरेको छ ।
विपन्नको घरमा दैनिक चुलो निभ्न नदिन फुड बैँक अभियान सन्चालन गरिएको तरहरा जेसीज बर्ष २०२० का अध्यक्ष सुनिल तिम्सिनाले बताए ।
दैनिक ज्याला मजदुरी गरेर विहान बेलुका छाक टार्दै आएकाहरु कोरोना भाईसरको कारण प्रभावित बनेकाले उक्त अभियान सन्चालन गरिएको उनले बताए ।
तरहरा क्षेत्रका अति विपन्न परिवारलाई खाना समस्या नहोस् भन्ने उदेश्यले फुड बैँक सञ्चालनमा ल्याईएको हो ।
जेसीजले हुनेले दिएर जाउँ, नहुनेले लिएर जाउँ अभियान सन्चालन गरिएको छ । साथै तरहरा क्षेत्रमा रहेका कोरोना संक्रमितको घर-घरमा गएर जेसीजका पदाधिकारीहरुले सोमबार नै फलफूल समेत वितरण गरेका थिए ।
यसअघि पनि जेसीजले पहिलो चरणमा बिपन्न परिवारलाई राहत वितरण गरेको थियो ।
Discussion about this post