पानीले म बर्सिन्छु नभनी बर्सन्छ !
भूकम्पले म आउँछु नभनी आउँछ !
बाढीले पनि म आउँदैछु कहिल्यै भन्दैन !
न सूर्य आङ तान्दै उदाउँछ !
न त जून नै हाई काड्दै अस्ताउँछ !
कोपिलाहरू चुपचाप–चुपचाप फक्रन्छन्
नदी कसैको दबाब बिना बगिरहन्छ !
न कुहिरोले कसैको अनुमति लिन्छ
न त असिनाले नै आदेश कुर्छ !
पृथ्वीलाई “तँ नघुम” भन्दा पनि घुम्छ
हावालाई “तँ एक सेकेण्ड न बग्” भन्दा पनि बग्छ
समय त झन् समय भै’गो भनेको केही टेर्दैन !
यो सृष्टि, जब यसरी कसैको पर्वाह नगरी
बेपर्वाह आफ्नै खुशीको यात्रा गर्छ भने
म तेरो खुशीको खातिर
मेरो खुशीको यात्रालाई
किन लगाम लगाउ “ए जिन्दगी?”
इटहरी–१२ खनार
हालः यूएई दुबई
Discussion about this post