धरान : धरानका गजलकार रोमनाथ ढुङ्गेलको नवीनतम गजल कृतिको लोकार्पण गरिएको छ ।
धरानस्थित महेन्द्र बहुमुखी क्याम्पसको सभाहलमा गिरिराज खतिवडाको अध्यक्षतामा उक्त सङ्ग्रहको लोकार्पण गरिएको हो ।
वरिष्ठ भाषाविद् प्रा.डा. टङ्कप्रसाद न्यौपाने, वरिष्ठ कवि बम देवान, प्रा.डा. सागरमणि सुवेदी, डा.सुभाष न्याौपाने, कृतिकार ढुङ्गेल र अध्यक्ष खतिवडाले कृतिको संयुक्त रूपमा लोकार्पण गरे ।
नेपाल बौद्धिक परिषद् सुनसरीको आयोजनामा सम्पन्न भएको कार्यक्रममा गजलकार ढुङ्गेलको कृतिभित्रबाट नीरज आचार्य, अरुणा पोख्रेल र केशव भट्टराईले गजल वाचन गरे ।
गजलकार विवश बलिभद्र कोइराला र डा. न्यौपानेले कृतिमाथि बोलेका थिए ।
ढुङ्गेल धरानमा रहेर डेढ दशकयता गजल क्षेत्रमा कलम चलाउँदै आएका छन् । यसअघि उनले आगो लिएर आऊ गजलसङ्ग्रह (२०६८) र यात्रा आगोमाथि (२०७२) गजलका सङ्ग्रह प्रकाशनमा ल्याएका छन् ।
ऐरावती प्रकाशन प्रा.लि.ले प्रकाशन गरेको सङ्ग्रहमा ६८ वटा गजलहरू सङ्ग्रहित गरिएको छ भने १८० रुपैयाँ मूल्य तोकिएको छ ।
Discussion about this post