मोटरसाइकलको ठक्करबाट साइकल यात्रीको मृत्यु

मोरङको बिराटनगर १३ कोशीप्रोजेक्ट नजिकै मोटरसाइकलको ठक्करबाट साइकल यात्रीको मृत्यु भएको छ ।

आज दिउँसो पौने ४ बजे को ३९ प ९९९३ नम्बरको मोटरसाईकलले साईकल यात्री बिराटनगर १५ बस्ने ६० बर्षीय रतन शाहलाई ठक्कर दिदाँ उनको मृत्यु भएको जिल्ला प्रहरी कार्यालय मोरङले जनाएको छ ।

ठक्कर दिने मोटरसाईकल र चालक बिराटनगर १५ का देवीप्रसाद अधिकारी नियन्त्रणमा रहेको प्रहरीले जनाएको छ ।