बराहक्षेत्र : सुनसरीको बराहक्षेत्रमा मामाबाटै भान्जी बलात्कृत भएकी छन् ।
जिल्ला प्रहरी कार्यालय सुनसरीका अनुसार नातामा भान्जी पर्ने एक बालिकालाई बलात्कार गरेको आरोपमा बराहक्षेत्र नगरपालिकाका एक किशोरलाई पक्राउ गरिएको छ ।
पक्राउ पर्नेमा बराहक्षेत्र नगरपालिकाको वडा नं. १० घर भएका दर्नाल थरका १९ वर्षीय किशोर छन् ।
इलाका प्रहरी कार्यालय चक्रघट्टीका इन्स्पेक्टर राजेश दत्तका अनुसार आरोपी दर्नालले मिति गत माघ २३ गते राति ९ बजे ललाई फकाई आफ्नो घरमा लगेर करणी गरेका थिए । बालिकाकी आमाले दर्नालविरुद्ध प्रहरीमा जाहेरी दिएसँगै उनलाई पक्राउ गरिएको हो ।
उनलाई माघ २६ गते सप्तरीको कञ्चनपुरमा साँझ साढे ६ बजे, सार्वजनिक यात्रु बसमा चढेर काठमान्डौँतर्फ जान लाग्दा इलाका प्रहरी कार्यालय सप्तरीको सहयोगमा पक्राउ गरिएको दत्तले बताए ।
माघ २६ गते पक्राउ गरेपनि प्रहरीले घटनाबारे पछि मात्रै सार्वजनिक गरेको हो ।
आरोपी दर्नाललाई सुनसरी जिल्ला अदालतबाट ७ दिनको म्याद थप गरी जबरजस्ती करणी मुद्दामा आवश्यक अनुसन्धान भइरहेको प्रहरीले जनाएको छ ।
Discussion about this post