झापा : झापाको बिर्तामोडमा एक रुपैयाँमै चिया उपलब्ध गराइएको छ ।
बिर्तामोड नगरपालिका २ स्थित प्रभु राम चौकमा फागुन ५ गतेबाट सुरु भएको ‘बिर्तामोड अन्तराष्ट्रिय औद्योगिक व्यापार महोत्सव’ मा एक रुपैयाँमा नै चिया उपलब्ध गराएर महोत्सवमा आउने दर्शकलाई मेलाको छुट्टै रौनकता प्रदान गरिएको छ ।
महोत्सवमा आउने अवलोकन कर्तालाई एक रुपैयाँमा नै चिया उपलब्ध गराएर महोत्सवलाई थप आकर्षक बनाउने प्रयत्न गरिएको हो ।
‘रंग छिटो खाँदा मिठो’ भन्ने सन्देशसहित अर्जुनधारा ६ मा रहेको सीता चिया तथा घरेलु मसला उद्योगले एक रुपैयाँमै मेजमान नामक चिया वितरण गरिएको हो ।
नेपालको चिया विश्व सामु चिनाउने उद्देश्यले व्यवसायीद्वय चक्र कार्की र नरेश सापकोटाले चिया उपलब्ध गराएका हुन् ।
सीता चिया तथा घरेलु मसला उद्योगले अग्र्यानिक र विना मिसावटको शुद्ध चिया उपलब्ध गराउन थालेसंगै महोत्सवमा आएका अवलोकनकर्ताले चियाको गुणस्तरणबारे प्रशंसा गरेका छन् ।
मिसावटरहित बिना फ्लेवरको चिया एक रुपैयाँमा नै उपलब्ध गराउन थालेपछि भारत, बंगलादेश र पाकिस्तानबाट मेलामा सहभागीताका लागि आएकाहरूले समेत नेपालको चियाको चुस्की लिँदै रमाईरहेका छन् ।
कार्की इलाम श्री अन्तु निवासी हुन् । उनले आफ्नै ठाउँमा उत्पादन भएको कृषिजन्य वस्तुको बजारीकारण गर्दै विश्व बजारमा नेपाली चियाको गुणस्तर चिनाउन सके त्यसैबाट मनग्य विदेशी मुद्रा आर्जन गर्न सकिने बताए ।
Discussion about this post