इटहरी : सुनसरीको चतराधाममा आगामी वर्ष कुम्भमेलाको तयारी गरिएको छ ।
२०८० साल चैत्र २७ गते अर्थात् चैत्र शुक्ल प्रतिपदादेखि सुरु हुने दोस्रो पूर्ण महाकुम्भ मेला तयारीको सन्दर्भमा छलफल तथा अन्तरक्रिया कार्यक्रम आयोजना गरिएको छ ।
कुम्भ मेला आयोजना तयारीको विषयमा सोमबार कुम्भमेला स्थल चतराधाममा तयारीको विषयमा छलफल तथा अन्तरक्रिया गरिएको हो ।
चैत्र शुक्ल प्रतिपदादेखि वैशाख शुक्ल अक्षय त्रितियासम्म एक महिना चतराधाममा आयोजना हुने पूर्ण महाकुम्भ मेलाको तयारी सुरु गरिएको छ ।
बराहक्षेत्र नगरपालिका वडा नं. १ चतराधाम कुम्भ स्थलको रूपमा प्रसिद्ध रहेको छ । नेपालको एक मात्र कुम्भस्थलको रूपमा रहेको चतराधाममा यस अगाडी ४ पटक कुम्भ मेला सम्पन्न भइसकेका छन् ।
बराहक्षेत्र नगरपालिका प्रमुख रमेश कार्कीको प्रमुख आतिथ्यतामा आयोजना भएको छलफल तथा अन्तरक्रिया कार्यक्रममा वक्ताहरूले मेलालाई व्यवस्थित बनाउनुपर्ने जोड दिएका थिए ।
आर्थिक पारदर्शिता, व्यापकता, माथिल्ला सरकारसँग समन्वय तथा सहकार्य गर्नुपर्ने वक्ताहरू धारणा रहेको थियो ।
छलफलबाट कुम्भ मेलाको शुभारम्भकालागि प्रचारात्मक कार्यक्रम गर्ने, माथिल्ला निकायहरूसँग समन्वय र सहयोगकालागि सहजीकरण गर्ने, नियमित सरसफाइको व्यवस्थापन गर्ने, आवश्यक भौतिक संरचना निर्माणको कामलाई तीव्रता दिने निर्णय गरिएको प्रथम जगतगुरु पीठ चतरा धामका सचिव उद्भव घिमिरेले बताए ।
छलफलमा सुनसरीकी प्रमुख जिल्ला अधिकारी हुमकला पाण्डे, पूर्व सभासद हरिनाथ बास्तोला, बराहक्षेत्र नगरपालिकाकी उपप्रमुख नन्दकुमारी सुनुवार, जिल्ला प्रहरी प्रमुख एसपी प्रभुप्रसाद ढकाल, विभिन्न वडाका वडाध्यक्षहरू, राजनीति दलका प्रतिनिधिहरूको उपस्थिति रहेको थियो । ि
Discussion about this post