14 Peak अब नेपालमै

विश्वमा ८ हजार मिटर भन्दामाथि उचाई भएका हिमालको कूल संख्या १४ वटा थियो । जसलाई फोर्टिन पिक (१४ Peak) भनिन्थ्यो । फोर्टिन पिक (१४ Peak) यति प्रख्यात भयो कि संसारभर यो नाममा ट्राभल एजेन्सी, एडभान्चर कम्पनी र आरोहणसँग सम्बन्धित सबै ठाउँमा यसलाई हिमाली पहिचान र परिचयका रूपमा हेरिन्थ्यो ।

ती फोर्टिन पिक (१४ Peak)मध्ये नेपालमा ८ वटा पाकिस्तानमा ५ वटा र चाईनामा एउटा अवस्थित थिए । तर, हामी नेपाली र हम्रो देश नेपाल यति भाग्यमानी भएका छौँ कि अब फोर्टिन पिक (१४ Peak) नेपालमै पुगेका छन् ।

वि.सं.२०८१ फागुनमा नेपालको पर्यटन विभागले नेपालमा नामकरण हुन बाँकी रहेका तीन सय वटा हिमालमध्ये ६ वटा नयाँ हिमालको नामकरणसँगै नयाँ उचाई पनि मापन गरेको छ ।

जसलाई नेपाल सरकारले आधिकारिक रूपमा प्रमाणित गरी नेपालको पिक प्रोफाईलमा समावेश समेत गरिसकेको छ । नयाँ उचाई मापन भएका ६ वटा हिमालमध्ये ४ वटा कञ्चनजंघा हिम श्रृङ्खलामा पर्दछन् भने २ वटा खुम्बु क्षेत्रमा थपिएका हुन् ।

कञ्चनजंघा हिम श्रृङ्खला क्षेत्रमा कञ्चनजंघा सेन्टर ८,४७३ मिटर, कञ्चनजंघा साउथ ८,४७६, यालुङखाङ ८,५०५ र यालुङखाङ वेष्ट ८,०७७ मिटर उचाईका रहेका छन् । त्यस्तै, खुम्बु क्षेत्रमा ल्होत्से हिमालसँगै ल्होत्से सार ८,४०० मिटर र ल्होत्से सेन्टर ८,४१० मिटर उचाईका हिमाल थपिएका छन् ।

नेपाल पर्वतारोहण संघले नेपालमा अझै थुप्रै हिमालहरूको मापन गर्न र नामकरण गर्न बाँकी रहेको भन्दै नयाँ हिमाल मापन गर्न विशेष अध्ययन टोली गठन गरेर काम थालेको थियो ।

टोलीले नयाँ पत्ता लागेका हिमालको जी.आई.एस.डाटा संकलन, प्राविधिक मूल्यांकन तथा आरोहण गर्ने बाटोको अध्ययन गरिरहेको पर्वतारोहण संघले जनाएको छ ।

प्राविधिकहरूले मापनका सबै काम सकेर पर्यटन विभागलाई डाटा बुझाएपछि निश्चित प्रक्रिया पूरा गरेर सर्वप्रथम नेपाल सरकारले मान्यता प्रदान गर्दछ ।

त्यसपछि विश्वका ७३ वटा देशका ९४ वटा पर्वतारोहण संस्थाहरू सम्मिलित महासंघ आई.ए.ए.छ, त्यसले मान्यता दिएपछि मात्रै ती ८ हजार मिटरमाथि उचाई पहिचान भएका हिमालहरूले अन्तराष्ट्रिय मान्यता प्राप्त गर्नेछन् ।

त्यसपछि नेपाल Country या १४ Peak हुनेछ ।

अब संसारभरी आठ हजार मिटर भन्दा अग्ला हिमालको संख्या २० पुगेको छ ।