इटहरी : नेपाल पत्रकार महासङ्घ सुनसरी शाखाको नयाँ कार्यसमितिको पदस्थापन सम्पन्न भएको छ ।
शुक्रबार इटहरीमा महासंघको ११ औँ पदस्थापन सम्पन्न भएको हो । प्रदेश १ का सभामुख प्रदीप भण्डारीको प्रमुख आतिथ्यतामा चैत २५ गते सम्पन्न निर्वाचनमा निर्वाचित पदाधिकारीहरुलाई पदस्थापन गराइएको हो ।
यसअघि अमर खड्काको नेतृत्वमा रहेको कार्यसमितिलाई बिदाइ गर्दै शुक्रवारबाट नयाँ कार्यसमितिले कार्यभार सम्हालेको हो । नवनिर्वाचित अध्यक्ष जनकऋषि राई अध्यक्ष रहेको प्यानल नै निर्वाचित भएको थियो । आगामी ३ वर्षको लागी राईको नेतृत्वको समितिले कार्यभार सम्हाल्ने भएको छ ।
कार्यभार सम्हालेसँगै नवनिर्वाचित अध्यक्ष राईले पत्रकारिता पेशाको मर्यादाका सँगै श्रमजीवीको पक्षमा वकालत गर्ने बताए । पत्रकारका निम्ति आफूले जस्तोसुकै काम गर्न पनि पछि नहट्ने राईको भनाइ थियो ।
Discussion about this post