इटहरी : सुनसरीबाट अपरहण गरी भारत पुर्याइएका १० वर्षीय बालकलाई प्रहरीले १० घण्टापछि उद्दार गरेको छ ।
जिल्ला प्रहरी कार्यालय सुनसरीका अनुसार बिहीबार दिउँसो करिीब ३ बजे कोशी गाउँपालिका ७ स्थित नेपाल भारत सीमा नजिकैबाट १३ बर्षीय दिपेन सदा अपहरणमा परेका थिए । उनलाई भारतको सुपौल जिल्ला, ग्राम पंचायत बदबदैपुर वडा नं ६ बैरयाकमलबाट उद्दार गरेको सुनसरी प्रहरीले जनाएको छ ।
सुनसरीका प्रहरी प्रमुख एसपी सञ्जयसिंह थापाका अनुसार भारतीय प्रहरीको समेत सहयोग लिएर सुनसरीबाट खटिएको टोलीले आज राति १ बजेर ५० मिनेटमा बालकलाई उद्दार गरी नेपाल ल्याइएको हो ।
प्रहरीका अनुसार बालकको अपहरणमा बिहार सुपौल, ग्राम पञ्चायत बदबदैपुर वडा नं ६ बैरयाकमालका मुकुम मिँयाको संलग्नता रहेको छ । उनी नेपालबाट भारततर्फ नेपाली जयला मजदुरी गर्ने कामदारहरु लैजाने ठेकेदार हुन् ।
उनलाई नेपाली कामदारहरु उपलब्ध गराइदिने भनेर कोशी गाउँपालिका ७ का भुटन सदा लगायत ५ जनाले अग्रिम २ लाख रुपैँया भुक्तानी लिएपनि कामदार नपठाएको खुलेको छ । साथै, भुल्टन मुकुम मिँयाको सम्पर्कमा पनि नगएकोले मिँयाको समूहले भुल्टन सदाकै गाउँको बालक दिपेन सदालाई अपहरण गरी लगिएको प्रारम्भिक अनुसन्धानबाट खुलेको प्रहरीले जनाएको छ ।
पक्राउ परेकालाई अपहरण तथा शरीर बन्धक शीर्षक अन्तर्गत म्याद थप गरेर आवश्यक अनुसन्धान भइरहेको प्रहरीले जनाएको छ ।
Discussion about this post