इटहरी : नेकपा (माओवादी केन्द्र) इटहरीको अध्यक्षमा बहादुरसिंह तामाङ निर्वाचित भएका छन् ।
तामाङको अध्यक्षतामा ८१ सदस्यीय कमिटी निर्वाचित भएको हो । तामाङले ६३ मत ल्याई विजयी हुँदा उनका निकटतम प्रतिद्वन्द्वी डम्बर (राजन) काफ्लेले ६ मत प्राप्त गरे ।
यसैगरी, उपाध्यक्ष पदमा ज्ञान किराँतीले ४६, रितेश श्रेष्ठले ३६ मत र कविन्द्र केसीले २८ मत प्राप्त गरी विजयी भए ।
यसैगरी, सचिव पदका लागि भएको मतदानमा प्रभात आचार्य ३६ मत ल्याई विजयी भएका छन् । उनका निकटतम प्रतिद्वन्द्वी हेमसागर तिम्सिनाले २२ मत र कृष्ण सापकोटाले ११ मत प्राप्त गरेका छन् ।
यसैगरी, सहसचिव पदका लागि भएको मतदानमा शुशीला उप्रेतीले ३६ मत प्राप्त गरी विजयी भइन् । निकटतम प्रतिद्वन्द्वी डिल्ली आचार्यले १७ मत, नवीन तामाङले १४ मत प्राप्त गरे ।
यसैगरी, कोषाध्यक्षमा दीपनारायण चौधरीले ४१ मत प्राप्त गरी विजयी भए । उनका निकटतम प्रतिद्वन्द्वी राजकुमार आचार्यले १४ र सीता रसाइलीले १४ मत प्राप्त गरिन् ।
यता, धाँधलीपूर्ण निर्वाचन भएको भन्दै मध्यरातमै अधिवेशनस्थलमा कुर्सी फोडाफोड भएको छ ।
एकलौटी प्यानलको नाम बाँडेर चुनाव गरिएको, उम्मेदवारहरूलाई छलफल गर्ने समय नै नदिइ चुनाव घोषणा भएको भन्दै युवाहरुले राति विरोध जनाएका हुन् । मुचुल्का नउठाइ र उम्मेदवारका प्रतिनिधि विनै गणना गरिएको भन्दै एउटा समूहले विरोध जनाएको छ ।
Discussion about this post