धरानस्थित बीपी कोइराला स्वास्थ्य विज्ञान प्रतिष्ठानको हाडजोर्नी पुनर्स्थापना केन्द्रमा स्थापना भएको कोरोना भाइरस (कोभिड १९) उपचार केन्द्रको आज प्रदेश सरकारले निरीक्षण गरेको छ ।
प्रदेश न नं. १ का मुख्यमन्त्री शेरधन राई र सामाजिक विकास मन्त्री जीवन घिमिरे लगायतको टोलीले निर्माण सम्पन्न भएको कोरोना उपचार केन्द्रको आइतबार निरीक्षण गरेका हुन् ।
निरीक्षणपश्चात पत्रकारहरुसँ कुरा गर्दै मुख्यमन्त्री राईले कारोना भाइरसको संक्रमण प्रदेश नं. १ मा बृद्धि भएपनि प्रदेश सरकार हरसमय जनताको साथमा तहेको उल्लेख गरे । सरकारले जनताको स्वास्थ्यकै लागि सावधानी अपनाउने काम गरेको बताउँदै उनले एक हप्ताभित्र निर्माण सम्पन्न गरी सञ्चालनमा आउँन लागिएको कोरोना अस्पतालले प्रदेश १ मा कोरोना संक्रमितका लागि राहत पुग्ने बताए ।
१ नं प्रदेशमा कोरोनाको जोखिम भएपनि प्रदेश सरकारले सावधानी अपनाएकाले नआत्तिन अपिल गरेका छन् ।
१३ वटा आइसोलेसन वेडसहित १ सय बेडको सञ्चालनमा आएको कारोना उपचार केन्द्रको भवनबाहेक अरु ठाउँमा कोरोना उपचारका काम नहुने बीपी कोइराला स्वास्थ्य विज्ञान प्रतिष्ठानकमा उपकुलपति डा. ज्ञानेन्द्र गिरीले बताए । सुरक्षाका अधिकत्तम मापदण्ड परिचालन गरी सञ्चालनमा ल्याइने बताउँदै विरामीबाट हुने संक्रमणको जोखिमलाई मध्यनजर गरेर उपचारमा संलग्न चिकित्सकहरुलाई पीपीईसंगै रोगसंग लड्नसक्ने रोगप्रतिरोधात्मक औषधीको प्रयोग गरिने गिरीले बताए ।
Discussion about this post