झापा : झापाको सिमावर्ती क्षेत्रबाट अवैध रूपमा भन्सार छली, चोरी निकासी गरी नेपाल भित्र्याउदै गरेको र भारततर्फ लैजादैँ गरेको अवस्थामा किराना लगायत ढाकाको विभिन्न प्रकारका कपडाहरू फेला पारी प्रहरीले बरामद गरेको छ ।
जिल्ला प्रहरी कार्यालय झापा र इलाका प्रहरी कार्यालय काँकडभिट्टाबाट खटिएको प्रहरी टोलीले झापाको मेचीनगर ७ धनकुटेली बस्ती स्थितबाट अन्दाजी ५० हजार, इलाका प्रहरी कार्यालय काँकडभिट्टा र इलाका प्रहरी कार्यालय धुलाबारीबाट खटिएको प्रहरी टोलीले मेचीनगर १० स्थितबाट २ लाख ७५ हजार बराबरको किरानाका सामान बरामद गरेको प्रहरीले जनाएको छ ।
यस्तै, इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर ६ बाट ५० हजार बराबरको विभिन्न प्रकारका ढाकाको कपडाहरू नेपालबाट भारततर्फ लैजादैँ गरेको अवस्थामा फेला पारी प्रहरीले बरामद गरेको प्रहरीले जनाएको छ ।
बरामद भएको सामानहरू मेची भन्सार कार्यालय काकडभिट्टामा बुझाइएको जिल्ला प्रहरी कार्यालय झापाले जनाएको छ ।
Discussion about this post