प्रथम विश्व आदर्श कप, २०७६ को मंगलबार भएको दोस्रो क्वार्टर फाइनल खेलमा हिमशिखर स्कूलले ज्ञानदर्पणलाई २–० गोलले पराजित गर्दे सेमी फाइनलमा प्रवेश गरेको छ ।
खेलको पहिलो हाफको २० मिनेटमा हिमशिखरका खेलाडी प्रिन्स चौलागाईले पहिलो गोल र खेलको दोस्रो हाफको ११ मिनेटमा हिमशिखर टिमका कप्तान नमन राईले गोल गर्दै आफ्नो टिमलाई सेमी फाइनलमा पुर्याएका थिए ।
त्यसैगरी तेस्रो क्वाटर फाइनल खेलमा लर्डबुद्धले कस्तूरीलाई २–० गोलले पराजित गरेको छ । तेस्रो क्वार्टर फाइनल खेलमा लर्डबुद्ध टिमका खेलाडी प्रिन्स चौधरीले गोल गरे । त्यस्तै, अन्तिम क्वार्टर फाइनल खेल खनार सनसाइन र लिटिल फ्लावर बीच भएको थियो । खेलको पहिलो हाफको १२ मिनेटमा नैयुरदिनले पहिलो गोल गरेका थिए भने लिटिल फ्लावरको तर्फबाट कुनै गोल हुन सकेको थिएन ।
बुधबार हुने पहिलो सेमिफाइनल खेलमा पशुपतिविरुद्ध लर्डबुद्ध र दोस्रो सेमिफाइनल खेलमा हिमशिखर विरुद्ध खनार सनसाइन भिड्ने छन् ।
प्रथम विश्व आदर्श जुनियर फुटबल प्रतियोगिता २०७६ को प्रथम पुरस्कार राशि १० हजार र दोस्रो पुरस्कार राशि ७ हजार रहेको प्रिन्सिपल गणेश दुलालले बताए ।
Discussion about this post