पाँचथर : पहिरोले घर पुर्दा घाइते भएकी पाँचथर फालेलुङ ३ की जुना सावदेनको उपचारको क्रममा निधन भएको छ ।
पाँचथर अस्पतालमा उपचार गर्ने क्रममा आइतबार दिउँसो २ बजे उनको निधन भएको जिल्ला प्रहरी कार्यालय पाँचथरका प्रहरी निरीक्षक दिवस कुँवरले जानकारी दिए ।
फालेलुङ ३ खोलाघारीस्थित मावली घरमा बस्दै आएकी जुना मध्यरातमा घरमाथिबाट आएको पहिरोमा पुरिएकी थिइन् ।
झन्डै ७ घण्टापछि स्थानीयले उद्धार गरेर उपचारका लागि सदरमुकाम ल्याइएकी उनलाई जिल्ला अस्पतालका स्वास्थकर्मीले मृत घोषणा गरेका थिए ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post